JUSTITIARIUS Magister

JUSTITIARIUS Magister

potius Magister Iustitiarius, item Magister Magnae Curiae Iustitiarius, nomen magistratûs in Regno Neapolitano, de cuius officio ac iurisdictione, sic Frid. II. Imp. in Constit. Sic. l. 1. tit. 37. Saturninus, ut magnae Curiae noster magister Iustitiarius, nobiscum in Curia commoretur, cui 4. Iudices volumus assidere, et ut Magister Iustitiarius Curiae nostrae supradictus, de crimine laesae maiestatis nostrae et de feudis quaternis et de quarta parte ipsorum feudorum et de appellationibus ordinariorum s. deleg atorum nostrorum ad Curiam nostram interiectis et de quaestionibus nostrorum Curialium, qui immediate nobis assistunt, de speciali in Curia nostra commorantium, qui de Curia nostra, sine speciali mandato nostro, non possunt recedere: nec non et miserabitium per sonarum, quarum est privilegium Forum eligere ---- causas audiat etc. Vide Scipionem Ammiratum de Fam. Neapol. Tom. I. p. 41. Laudatum C. du Fresne in Gloss.